Në emisionin “Pikat mbi i” këtë të enjte biseda u fokusua tek vrasja e Pjerin Xhuvanit në Elbasan.
Ndërsa politika është e përfshirë në debate dhe diskutime për ‘lokalet’, analisti Artur Zheji dhe gazetarja Klodiana Lala komentuan rreth ngjarjes së Elbasanit, krimit politik dhe lidhjes me bandat.
Gazetarja Klodiana Lala komentoi me detaje edhe rreth videos së publikuar që pasqyron ngjarjen në Elbasan, video e pasqyruar më herët në emisionin “në Shënjestër”.
Lala u shpreh se ajo ngjarja tregoi fytyrën e Shqipërisë dhe se si grupe me rekorde kriminale mbështesin politikën, ndërsa shtroi pyetjen a mundet sot Gjykata e Elbasanit të bëjë drejtësi për këtë çështje?
Pjesë nga biseda në studio:
Zheji: Pamë Pasivitetin e policisë së shtetit, policia shikonte si po kryhej një krim elektoral dhe rrini spektatorë kur ata duhet të parandalonin. Policisë i është dhënë roli të bëjë spektatorin. Të rrijë si një spektator i mirë sepse po të ndërhyjë, ndërhyri shteti. Mendoj që gjyqi që po vonon, i rastit të Pjerin Xhuvanit do të zbardhë metaforën e zgjedhjeve të 2021. Është e kotë të kalojmë në Vetting gjykatat apo policinë, duhet të ketë vetting për procesin zgjedhor.
Klodiana Lala: Video tregonte fytyrën e vërtetë të Shqipërisë gjatë një fushate zgjedhore dhe se si policia është e paaftë të mbrojë jetën e një qytetari dhe për mënyrën se si politika do të ketë gjithcka në funksionin e saj. Ajo situatë nuk do kishte degraduar deri në përdorimin e armës nëse nuk do ishte lënë të zgjidhej mes njerëzve të fortë. Kemi folur gjithmonë për mënyrën se si situatat degradojnë në përdorimin e armës, por videon e publikuar tregoi qartë se në çfarë derexheje ishte Elbasani. Vetëm 10 min pasi mbështetësit e PD kanë bllokuar Mehmet Grecën, është bllokuar automjeti i tij pa targa, po ashtu në video shihet se më pas kanë mbërritur dy zëvendës drejtorë të policisë së qarkut, pra dhe 10 min më pas është përplasja.
Zheji: Është thënë që janë zhdukur videot, nuk gjendeshin.
Lala: Në pjesën dërrmuese serverat ishin fshirë
Zheji: Ishin fshirë, por këtu ka një lojë shumë të çuditshme,. Mendoj që një dorë e kujdesshme i ka zhdukur “Policia është me ne” ka qenë një shprehje, për t’i pasur si një shantazh ku nuk dihet se për kë. fakti që kjo video del pas një viti, ka një mister. Pra tani dali kur u tha që nuk kishte. 2 janë momentet me rëndëis; 1-kur shohim që policia i ka pistoletat e ndryshkura, pasi ka të ndryshkur iniciativën për të ndërhyrë. Punën e mbaron një polici pa uniformë, që është mercenare.
Zheji: Nuk duhet të hyjmë në zgjedhjet e majit pa një relativim të ndershëm.
Lala: Këtu nuk është bërë drejtësi. Pra kemi një të dyshuar për vrasje që ka dhënë shpjegimet e veta.
